სამი მნიშვნელოვანი თარიღი
21 მარტს ოტია იოსელიანის სახელობის ქ. წყალტუბოს N1 საჯარო სკოლაში განხორციელდა პროექტი, რომელიც ეხებოდა სამ მნიშვნელოვან თარიღს - დაუნის სინდრომის საერთაშორისო დღეს, ტყის საერთაშორისო დღეს და გაზაფხულის ბუნიობას ანუ დღეღამტოლობას.
ამასთან დაკავშირებით ჩატარდა პროექტების პრეზენტაცია და ასევე ჩატარდა დაუნის სინდრომის მქონე პირთა მხარდასაჭერი აქცია „ჩვენ თქვენთან ვართ“, რომელიც სკოლის ეკოკლუბ "ნიამორის" ინიციატივით გაიმართა. (ხელმძღვანელი რუსუდან ჯიშკარიანი, კლუბის ლიდერი ლიზი ბენიძე).
პრეზენტაციები წარმოადგინეს ეკოკლუბის წევრებმა: ლანა ქაშიბაძემ, ლიზი ლონდარიძემ, გრეტა დვალიშვილმა, ლიზა ჯომიდავამ, მარიამ გახოკიამ, ალექსი მოდებაძემ, ლოლიტა კინწურაშვილმა, ანი ფანცხავამ.
ღონისძიების შემდეგ სკოლის მოსწავლეები და მასწავლებლები გავიდნენ სკოლის მიმდებარე ტყეში, და მოხდა ტყისპირა ზოლის დასუფთავება.
ღონისძიების მიზანი იყო დაუნის სინდრომის მქონე ადამიანთა ღირსებისა და უფლებების დაცვა და კეთილდღეობის უზრუნველყოფა, ასევე მოსწავლეებში ცნობიერების დონის ამაღლება ტყის მნიშვნელობის შესახებ, გაგვეცნო თუ რას ნიშნავდა ბუნიობა.
![\"count](\"/templates/school_SITE/images/count.png\" "\\"BANNER1\\"")